នៅថ្ងៃសុក្រ ៥រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែឧសភា ឆ្នាំ២០២២ ក្រុមទីប្រឹក្សាបច្ចេកទេស (BRLi-TANCONS) នៃអនុសមាសភាគ 3.3 នៃកម្មវិធី WAT4CAM របស់ក្រសួងធនធានទឹក និងឧតុនិយម បានរៀបចំសិក្ខាសាលាខាងលើ ដើម្បីពិភាក្សា និងប្រមូលធាតុចូលបន្ថែមទៀត លើគំនិតរចនា Design for Weather and Climate Information System (WCIS) ជាលើកចុងក្រោយ ។

សិក្ខាសាលានេះ ដឹកនាំដោយ លោក សែម សំណាង ប្រធានគ្រប់គ្រងកម្មវិធី WAT4CAM ដោយមានការចូលរួមពីតំណាងគណៈកម្មាធិការជាតិគ្រប់គ្រងគ្រោះមហន្តរាយ (NCDM); តំណាងក្រសួងអភិវឌ្ឍន៏ជនបទ, តំណាងក្រសួងកសិកម្ម រុក្ខាប្រមាញ់ និងនេសាទ, និងអាជ្ញាធរដែនដីពាក់ព័ន្ធគ្រប់លំដាប់ថ្នាក់, ជាពិសេសនាយកដ្ឋានជំនាញនៃក្រសួងធនធានទឹក និងឧតុនិយម មានដូចជា៖ នាយកដ្ឋានឧតុនិយម, នាយកដ្ឋានជលសាស្រ្ត និងការងារទន្លេ, នាយកដ្ឋានជំនាញជាច្រើនទៀត និងមន្ទីរធនធានទឹក និងឧតុនិយម ទាំង២៥ខេត្ត-ក្រុង ផងដែរ ។

គោលបំណងនៃកិច្ចពិភាក្សាមានដូចខាងក្រោម៖

១- ការស្នើសុំយល់ព្រមលើគោលការណ៍សម្រាប់ការរចនា

២- ស្ថាបត្យកម្ម IT និងទំនាក់ទំនងទៅ ៖

+ ប្រតិបត្តិការ NDC

+ មូលដ្ឋានទិន្នន័យ

+ រ៉ាដា និងទិន្នន័យលំហដែលមានមូលដ្ឋានលើផ្កាយរណប

៣- ស្ថាបត្យកម្មទំនាក់ទំនងទៅស្ថាប័ន,

៤- ការប្រតិ្តបតិ្ត និងថែទាំឲ្យមាននិរន្តរភាព

៥- ការកសាងសមត្ថភាព និងការលើកកម្ពស់ការយល់ដឹង

សិក្ខាសាលាបានបិទបញ្ចប់នៅរសៀលថ្ងៃដដែលក្រោមបរិកាសរីករាយ និងស្និទ្ធិស្នាល ៕