WAT4CAM

03

2024

December

ឯកឧត្តម ចាន់ យុត្ថា រដ្ឋលេខាធិការ អញ្ជើញដឹកនាំកិច្ចប្រជុំបូកសរុបលទ្ធផលវាយតម្លៃគម្រោង WAT4CAM-Phase1 របស់ក្រុមបេសកកម្មនៃសហភាពអឺរ៉ុប

នាថ្ងៃអង្គារ ៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែធ្នូ ឆ្នាំ២០២៤ នៅសាលប្រជុំនៃទីស្ដីការក្រសួង ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM-Phase1 ក្នុងនាមតំណាង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំបូកសរុបលទ្ធផលបេសកកម្មវាយតម្លៃគម្រោងកម្មវិធីគ្រប់គ្រងធនធានទឹក និងផ្លាស់ប្តូរកសិកម្មនៅប្រទេសកម្ពុជាជំហានទី១ (WAT4CAM-Phase1) ជាមួយក្រុមបេសកកម្មសហភាពអឺរ៉ុប (EU ROM Mission)។

28

2024

November

លោក សែម សំណាង អញ្ជើញអមដំណើរគណៈប្រតិភូ ក្រសួងសេដ្ឋកិច្ច និងហិរញ្ញវត្ថុ ចុះពិនិត្យទីតាំង និងស្ថានភាពគម្រោងស្តារឡើងវិញ និងគ្រប់គ្រងស្ទឹងស្វាយចេក ក្នុងភូមិសាស្រ្តខេត្តបន្ទាយមានជ័យ

នៅថ្ងៃព្រហស្បតិ៍ ១៣រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៤នេះ លោក សែម សំណាង ប្រធាននាយកដ្ឋានទឹកស្អាត និងអនាម័យ ក្នុងនាមតំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញអមដំណើរ លោក ប៊ុត សង្វារ អគ្គនាយករងនៃអគ្គនាយដ្ឋានដោះស្រាយផលប៉ះពាល់នៃក្រសួងសេដ្ឋកិច្ច និងហិរញ្ញវត្ថុ និងសហការី ចុះពិនិត្យទីតាំង និងស្ថានភាពគម្រោងស្តារឡើងវិញ និងគ្រប់គ្រងស្ទឹងស្វាយចេក ក្នុងខេត្តបន្ទាយមានជ័យ។

26

2024

November

លោក សែម សំណាង អញ្ជើញអមដំណើរគណៈប្រតិភូសហភាពអឺរ៉ុប ចុះពិនិត្យបណ្តាអនុគម្រោងប្រព័ន្ធធារាសាស្ត្រ នៃកម្មវិធីការគ្រប់គ្រងធនធានទឹក និងការផ្លាស់ប្ដូរកសិកម្មនៅកម្ពុជា ជំហានទី១ ក្នុងខេត្តសៀមរាប

នៅថ្ងៃអង្គារ ១១រោច ខែកត្ដិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែវិច្ឆិកា ឆ្នាំ២០២៤នេះ លោក សែម សំណាង ប្រធាននាយកដ្ឋានទឹកស្អាត និងអនាម័យ និងជាប្រធានគ្រប់គ្រងកម្មវិធីការគ្រប់គ្រងធនធានទឹកនិងការផ្លាស់ប្ដូរកសិកម្មនៅកម្ពុជា (WAT4CAM) ជំហានទី១ ក្នុងនាមតំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញអមដំណើរគណៈប្រតិភូសហភាពអឺរ៉ុបដឹកនាំដោយឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា និងសហការី ចុះបេសកកម្មពិនិត្យអនុគម្រោងប្រព័ន្ធធារាសាស្ត្រគោគធ្លកលើ និងអនុគម្រោងប្រព័ន្ធធារាសាស្ត្រម្កាក់ នៃកម្មវិធីការគ្រប់គ្រងធនធានទឹកនិងការផ្លាស់ប្ដូរកសិកម្មនៅកម្ពុជា(WAT4CAM) ជំហានទី១ ក្នុងភូមិសាស្ត្រខេត្តសៀមរាប។

12

2024

October

ឯកឧត្តម ចាន់ យុត្ថា រដ្ឋលេខាធិការ អញ្ជើញដឹកនាំគណៈប្រតិភូក្រសួងសេដ្ឋកិច្ច និងហិរញ្ញវត្ថុចុះពិនិត្យទីតាំងអនុគម្រោងប្រព័ន្ធធារាសាស្ត្រទំនប់ក្រាយ ក្នុងភូមិសាស្ត្រខេត្តកំពង់ធំ

នៅថ្ងៃសៅរ៍ ១០កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែតុលា ឆ្នាំ២០២៤ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM Phase 1 ក្នុងនាមតំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយក្រុមការងារបច្ចេកទេសក្រសួងនិងមន្ទីរធនធានទឹក និងឧតុនិយម ខេត្តកំពង់ធំ និងអាជ្ញាធរដែនដី បានអមដំណើរឯកឧត្តមឈុន សំរឹទិ្ធ អនុរដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងសហការី បានចុះពិនិត្យទីតាំងអនុគម្រោងប្រព័ន្ធធារាសាស្ត្រទំនប់ក្រាយ នៃកម្មវិធីការគ្រប់គ្រងធនធានទឹកនិងការផ្លាស់ប្ដូរកសិកម្មនៅប្រទេសកម្ពុជា (WAT4CAM) ជំហានទី១ ស្ថិតក្នុងភូមិសាស្រ្ត ឃុំផ្សាក្រោម និងឃុំកំពង់ចិនជើង ជិតក្រុងស្ទោង ខេត្តកំពង់ធំ។

24

2024

July

ឯកឧត្តមរដ្ឋមន្ត្រី ថោ ជេដ្ឋា អញ្ជើញដឹកនាំគណៈប្រតិភូទីភ្នាក់ងារបារាំងសម្រាប់ការអភិវឌ្ឍ (AFD) និងសហភាពអឺរ៉ុប (EU) ចុះពិនិត្យវឌ្ឍនភាពគម្រោងស្តារឡើងវិញប្រព័ន្ធធារាសាស្ត្រកង្ហត ក្នុងភូមិសាស្ត្រខេត្តបាត់ដំបង

នៅថ្ងៃពុធ ៤រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែកក្កដា ឆ្នាំ២០២៤ នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តបាត់ដំបង បានអញ្ជើញដឹកនាំគណៈប្រតិភូនៃទីភ្នាក់ងារបារាំងសម្រាប់ការអភិវឌ្ឍ(AFD) និងសហភាពអឺរ៉ុប (EU) ចុះពិនិត្យវឌ្ឍនភាពគម្រោងស្តារឡើងវិញប្រព័ន្ធធារាសាស្ត្រកង្ហត ក្នុងភូមិសាស្ត្រឃុំធិបតី ឃុំរាំងកេសី និងឃុំកំពង់ព្រៀង នៃស្រុកគាស់ក្រឡ និងស្រុកសង្កែ ខេត្តបាត់ដំបង។

13

2024

June

ឯកឧត្តមរដ្ឋមន្ត្រី ថោ ជេដ្ឋា អញ្ជើញបើកកិច្ចប្រជុំពិនិត្យ និងអនុម័តប្រព័ន្ធ CISIS-WAT4CAM នៃកម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជា (WAT4CAM) ដំណាក់កាលទី១

នៅទីស្តីការក្រសួង នាព្រឹកថ្ងៃព្រហស្បតិ៍ ៧កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែមិថុនា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញបើកកិច្ចប្រជុំពិភាក្សា និងអនុម័តដាក់ឱ្យប្រើប្រាស់ប្រព័ន្ធព័ត៌មានប្រព័ន្ធធារាសាស្ត្រប្រទេសកម្ពុជា CISIS-WAT4CAM នៃកម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជា (WAT4CAM) ដំណាក់កាលទី១។

06

2024

June

ឯកឧត្តម ចាន់ យុត្ថា ចុះពិនិត្យទីតាំងគម្រោងដែលត្រូវបោសសម្អាតមីន និងយុទ្ធភ័ណ្ឌមិនទាន់ផ្ទុះ នៅប្រព័ន្ធធារាសាស្រ្តកង្ហត (Block E) ស្ថិតក្នុងខេត្តបាត់ដំបង

ឯកឧត្តម ចាន់ យុត្ថា រដ្ឋលេខាធិកាក្រសួងធនធានទឹក និងឧតុនិយម ដឹកនាំក្រុមការងារគម្រោង WAT4CAM និងមានការចូលរួមពី ឯកឧត្តមឧត្តមសេនីយ៍ឯក អ៊ុំ វ៉ាន់ថា អគ្គនាយករង នៃមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាពបោសសម្អាតមីន និងកាកសំណល់សង្គ្រាម បានចុះពិនិត្យទីតាំងគម្រោងដែលត្រូវបោសសម្អាតមីន និងយុទ្ធភ័ណ្ឌមិនទាន់ផ្ទុះ នៅប្រព័ន្ធធារាសាស្រ្តកង្ហត(Block E) ស្ថិតក្នុងខេត្តបាត់ដំបង ។

06

2024

June

ឯកឧត្តម ចាន់ យុត្ថា រដ្ឋលេខាធិការ អញ្ជើញចូលរួមកិច្ចពិភាក្សាស្តីពីការរៀបចំបង្កើតយន្តការគ្រប់គ្រងអាងស្ទឹងសង្កែ ក្រោមក្របខ័ណ្ឌកម្មវិធី WAT4CAM ដំណាក់កាលទី១

នៅព្រឹកថ្ងៃព្រហស្បតិ៍ ១៥រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែមិថុនា ឆ្នាំ២០២៤ នៅសាលាខេត្តបាត់ដំបង ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម និងជានាយកកម្មវិធីគ្រប់គ្រងទឹក និងផ្លាស់ប្តូរកសិកម្មនៅកម្ពុជា (WAT4CAM) ដំណាក់កាលទី១ បានចូលរួមដឹកនាំកិច្ចប្រជុំជាមួយ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ស្តីពីការគាំទ្រការរៀបចំបង្កើតយន្តការគ្រប់គ្រងអាងស្ទឹងសង្កែ។

20

2024

May

ឯកឧត្តម ចាន់ យុត្ថា រដ្ឋលេខាធិការ ជួបពិភាក្សាការងារជាមួយគណៈប្រតិភូទីភ្នាក់ងារបារាំងសម្រាប់ការអភិវឌ្ឍ ប្រចាំប្រទេសបារាំង និងប្រចាំតំបន់អាស៊ាន

នៅព្រឹកថ្ងៃចន្ទ ១៣កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែឧសភា ឆ្នាំ២០២៤នេះ ឯកឧត្តម ចាន់ យុត្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអនុញ្ញាតឱ្យអ្នកស្រី Marie-Hélène LOISON នាយិការងនៃទីភ្នាក់ងារបារាំងសម្រាប់ការអភិវឌ្ឍ (AFD) ប្រចាំប្រទេសបារាំង លោក Jean-Pierre MARCELLI អគ្គនាយកប្រចាំតំបន់អាស៊ាន ព្រមទាំងសហការី ចូលជួបពិភាក្សាការងារទាក់ទងនឹងកិច្ចសហប្រតិបត្តិការលើវិស័យធនធានទឹក និងឧតុនិយម។

04

2024

March

ឯកឧត្តម ចាន់ យុត្ថា ចុះពិនិត្យទីតាំងគម្រោងដែលស្នេីដាក់បញ្ចូលក្នុងកម្មវិធី WAT4CAM ជំហានពីរ

ត្បូងឃ្មុំ៖ នៅថ្ងៃចន្ទ ៩រោច ខែមាឃ ឆ្នាំថោះ ព.ស២៥៦៧ ត្រូវនឹងថ្ងៃទី ០៤ ខែមីនា ឆ្នាំ២០២៤ ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម និងជានាយកគម្រោងក្រោមហិរញ្ញប្បទានភាគីបារាំង បានដឹកនាំមន្រ្តីបច្ចេកទេសក្រសួង សហការជាមួយមន្ទីរធនធានទឹក និងឧតុនិយមខេត្តត្បូងឃ្មុំ ចុះត្រួតពិនិត្យទីតាំងគម្រោងដែលមន្ទីរបានស្នេីសុំដាក់បញ្ចូលក្នុងកម្មវិធី WAT4CAM ជំហានពីរ ។ បន្ទាប់មក ឯកឧត្តម បានបន្តពិនិត្យព្រែកតាមដងទន្លេមេគង្គ ដើម្បីស្វែងរកទីតាំងសាងសង់ស្ថានីយ៏បូមទឹក សម្រាប់បូមទឹកបំរើដល់ការស្រោចស្រពដំណាំស្រូវទាំងប្រាំង និងវស្សា ស្ថិតនៅក្នុងភូមិសាស្រ្តខេត្តត្បូងឃ្មុំ ។

14

2023

December

ឯកឧត្តមរដ្ឋមន្ត្រី ថោ ជេដ្ឋា ជួបពិភាក្សាការងារជាមួយប្រតិភូបេសកកម្មបារាំង ដឹកនាំដោយលោក Matthieu Le Grix ប្រធាននាយកដ្ឋានទទួលបន្ទុកការងារកសិកម្ម អភិវឌ្ឍន៍ជនបទ និងជីវចម្រុះ នៃទីភ្នាក់ងារបារាំងសម្រាប់ការអភិវឌ្ឍន៍

នៅទីស្តីការក្រសួង នាព្រឹកថ្ងៃព្រហស្បតិ៍ ២កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៤ ខែធ្នូ ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមបានទទួលជួបសម្តែងការគួរសម និងពិភាក្សាការងារជាមួយប្រតិភូក្រុមបេសកកម្មបារាំងមកពីទីក្រុងប៉ារីស ដឹកនាំដោយលោក Matthieu Le Grix ប្រធាននាយកដ្ឋានទទួលបន្ទុកការងារកសិកម្ម អភិវឌ្ឍន៍ជនបទ និងជីវចម្រុះ រួមជាមួយលោកស្រី Alexia Hofmann ប្រធានក្រុមការងារទទួលបន្ទុកគម្រោង លោកស្រី Sandrin BOUCHER នាយិកាទីភ្នាក់ងារបារាំងសម្រាប់ការអភិវឌ្ឍ (AFD) ប្រចាំកម្ពុជា និងលោក Selim Riveill ជំនាញការផ្នែកបរិស្ថាន និងសុវត្ថិភាពសង្គម។

13

2023

December

ឯកឧត្តមរដ្ឋលេខាធិការ ចាន់ យុត្ថា នាយកកម្មវិធី WAT4CAM អញ្ជើញចូលរួមកិច្ចប្រជុំបូកសរុបលទ្ធផល (Wrap-Up meeting) របស់ក្រុមបេសកកម្មត្រួតពិនិត្យមកពីទីក្រុងប៉ារីស

នៅថ្ងៃពុធ ១កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែធ្នូ ឆ្នាំ២០២៣ នាសាលប្រជុំ នៃទីស្តីការក្រសួង ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម និងជានាយកកម្មវិធី WAT4CAM បានជួបប្រជុំបូកសរុបលទ្ធផលរបស់ក្រុមបេសកកម្មត្រួតពិនិត្យដឹកនាំដោយលោក Matthieu Le Grix នាយកដ្ឋានទទួលបន្ទុកកសិកម្ម អភិវឌ្ឍន៍ជនបទ និងជីវៈចម្រុះ និងជាប្រធានក្រុមបេសកកម្មបារាំងមកពីទីក្រុងប៉ារីស។

12

2023

December

ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម ដឹកនាំកិច្ចប្រជុំជាមួយលោក Matthieu Le Grix ប្រធានបេសកកម្មបារាំងមកពីទីក្រុងប៉ារីស

នៅព្រឹកថ្ងៃអង្គារ ១៥រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១២ ខែធ្នូ ឆ្នាំ២០២៣នាសាលប្រជុំរំដួល នៅទីស្តីការក្រសួងធនធានទឹក និងឧតុនិយម ក្បាលថ្នល់ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM ជាសហប្រធាន បានដឹកនាំកិច្ចប្រជុំត្រៀមចាប់ផ្តើមអនុវត្តគម្រោង (Kick-off meeting) ជាមួយលោក Matthieu Le Grix ប្រធាននាយកដ្ឋានទទួលបន្ទុកកសិកម្ម អភិវឌ្ឍន៍ជនបទ និងជីវៈចម្រុះ ប្រធានក្រុមបេសកកម្មបារាំងមកពីទីក្រុងប៉ារីស។

09

2023

December

លោក សែម សំណាង ប្រធានគ្រប់គ្រងគម្រោង ដឹកនាំក្រុមបេសកកម្មបារាំងចុះពិនិត្យស្ថានភាពប្រព័ន្ធធារាសាស្ត្រស្ទឹងស្វាយចេក ក្នុងភូមិសាស្ត្រខេត្តបន្ទាយមានជ័យ

នៅថ្ងៃសៅរ៍ ១២រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៩ ខែធ្នូ ឆ្នាំ២០២៣ លោក សែម សំណាង ប្រធានគ្រប់គ្រងគម្រោង បានដឹកនាំក្រុមការងារបច្ចេកទេស នៃក្រសួងធនធានទឹក និងឧតុនិយម និងក្រុមបេសកកម្មបារាំងមកពីទីក្រុងប៉ារីស ដឹកនាំដោយលោក Matthieu Le Grix ប្រធាននាយកដ្ឋានទទួលបន្ទុកការងារកសិកម្ម អភិវឌ្ឍន៍ជនបទ និងជីវចម្រុះ លោកស្រី Alexia Hofmann ប្រធានក្រុមការងារទទួលបន្ទុកគម្រោង និងទីប្រឹក្សាបច្ចេកទេសអន្តរជាតិ ចុះពិនិត្យស្ថានភាពទូទៅនៃគម្រោងស្តារឡើងវិញស្ទឹងស្វាយចេក ស្ថិតក្នុងភូមិសាស្រ្តស្រុកស្វាយចេក ខេត្តបន្ទាយមានជ័យ។

08

2023

November

ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM នៃក្រសួងធនធានទឹក និងឧតុនិយម បានដឹកនាំកិច្ចប្រជុំ ពិនិត្យវឌ្ឍនភាពរបស់កម្មវិធីគ្រប់គ្រងទិន្នន័យប្រព័ន្ធធារាសាស្ត្របែបឌីជីថល

នៅទីស្តីការក្រសួង នារសៀលថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM នៃក្រសួងធនធានទឹក និងឧតុនិយម បានដឹកនាំកិច្ចប្រជុំ ពិនិត្យវឌ្ឍនភាពរបស់កម្មវិធីគ្រប់គ្រងទិន្នន័យប្រព័ន្ធធារាសាស្ត្របែបឌីជីថល ក្នុងគោលបំណងពិនិត្យ និងផ្តល់អនុសាសន៍ សម្រាប់ត្រៀមដាក់អោយប្រេីប្រាស់ជាផ្លូវការនាពេលខាងមុខ ។

07

2023

November

ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយមជួបពិភាក្សាការងារជាមួយគណៈប្រតិភូទីភ្នាក់ងារបារំាងសម្រាប់ការអភិវឌ្ឍ (AFD)

នៅទីស្តីការក្រសួង នាព្រឹកថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM នៃក្រសួងធនធានទឹក និងឧតុនិយម បានអនុញ្ញាតឱ្យលោកស្រី Sandrine Boucher នាយិកា AFD ប្រចាំកម្ពុជា និងសហការី ចូលជួបពិភាក្សាការងារលើកម្មវិធីការគ្រប់គ្រងធនធានទឹក និងការផ្លាស់ប្តូរកសិកម្មនៅប្រទេសកម្ពុជា ជំហានទី១ (WAT4CAM)។

22

2023

October

លោក សែម សំណាង ប្រធានអង្គភាពគ្រប់គ្រងកម្មវិធី WAT4CAM ដំណាក់កាលទី១ ដឹកនាំកិច្ចប្រជុំបូកសរុបលទ្ធផលពីបេសកកម្មបទប្បញ្ញត្តិនៃការបែងចែកទឹក

នៅទីស្តីការក្រសួង នាព្រឹកថ្ងៃចន្ទ ៩កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៣ ខែតុលា ឆ្នាំ២០២៣ លោក សែម សំណាង ប្រធានអង្គភាពគ្រប់គ្រងកម្មវីធី "ការគ្រប់គ្រងធនធានទឹក និងការផ្លាស់ប្តូរកសិកម្មនៅកម្ពុជា ដំណាក់កាលទី១ (WAT4CAM Phase 1)" បានដឹកនាំកិច្ចប្រជុំបូកសរុបលទ្ធផលអំពីបេសកកម្មបទប្បញ្ញត្តិនៃការបែងចែកទឹក (Wrap-up Meeting on Water Sharing Regulation Mission) ដោយមានការចូលរួមពីលោក លោកស្រី ដែលជាតំណាង នាយកដ្ឋានគ្រប់គ្រង និងអភិរក្សធនធានទឹក នាយកដ្ឋានធារាសាស្រ្តកសិកម្ម នាយកដ្ឋានសហគមន៍កសិករប្រើប្រាស់ទឹក និងនាយកដ្ឋានទឹកស្អាត និងអនាម័យ រួមទាំងទីប្រឹក្សាបច្ចេកទេសទទួលបន្ទុកផ្នែក ISWM & IWRM។

19

2023

September

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ជួបពិភាក្សាការងារជាមួយឯកឧត្តម Jacques PELLET ឯកអគ្គរដ្ឋទូតបារាំងប្រចាំកម្ពុជា និងលោកស្រី Sandrine Boucher នាយិកា AFD ប្រចាំកម្ពុជា

នៅទីស្តីការក្រសួង នារសៀលថ្ងៃពុធ ៦កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែកញ្ញា ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានទទួលជួបគណៈប្រតិភូបារាំងដឹកនាំដោយឯកឧត្ដម Jacques PELLET ឯកអគ្គរដ្ឋទូត នៃសាធារណរដ្ឋបារាំង និងលោកស្រី Sandrine BOUCHER នាយិកាប្រចាំប្រទេសកម្ពុជារបស់ទីភ្នាក់ងារបារាំងសម្រាប់ការអភិវឌ្ឍ (AFD) ដើម្បីសម្ដែងការគួរសម និងពិភាក្សាការងារ។

កម្មវិធីគ្រប់គ្រងធនធានទឹក និងផ្លាស់ប្តូរកសិកម្មនៅប្រទេសកម្ពុជា

Recent News

ឯកឧត្តម ចាន់ យុត្ថា ចុះពិនិត្យទីតាំងគម្រោងដែលស្នេីដាក់បញ្ចូលក្នុងកម្មវិធី WAT4CAM ជំហានពីរ

Related Links

Contact Information

Business Hour

កម្មវិធីគ្រប់គ្រងធនធានទឹក និងផ្លាស់ប្តូរកសិកម្មនៅប្រទេសកម្ពុជា

Recent News

ឯកឧត្តម ចាន់ យុត្ថា ចុះពិនិត្យទីតាំងគម្រោងដែលស្នេីដាក់បញ្ចូលក្នុង​កម្មវិធី WAT4CAM ជំហានពីរ

Related Links

Contact Information

Business Hour

ឯកឧត្តម ចាន់ យុត្ថា ចុះពិនិត្យទីតាំងគម្រោងដែលស្នេីដាក់បញ្ចូលក្នុងកម្មវិធី WAT4CAM ជំហានពីរ