នៅទីស្តីការក្រសួង នារសៀលថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣ ឯកឧត្តម ចាន់ យុត្ថា រដ្ឋលេខាធិការ និងជានាយកកម្មវិធី WAT4CAM នៃក្រសួងធនធានទឹក និងឧតុនិយម​ បានដឹកនាំកិច្ចប្រជុំ ពិនិត្យវឌ្ឍនភាពរបស់កម្មវិធីគ្រប់គ្រងទិន្នន័យប្រព័ន្ធធារាសាស្ត្របែបឌីជីថល​ ក្នុងគោលបំណងពិនិត្យ​ និងផ្តល់អនុសាសន៍​ សម្រាប់ត្រៀមដាក់អោយប្រេីប្រាស់ជាផ្លូវការ​នាពេលខាងមុខ​ ។ 

សូមជម្រាបជូនថា​ កម្មវិធីគ្រប់គ្រងទិន្នន័យប្រព័ន្ធធារាសាស្ត្របែបឌីជីថល​ បានបង្កើតឡើងក្រោមកិច្ចសហប្រតិបត្តិការ រវាងក្រសួងធនធានទឹកនិងឧតុនិយម និងទីភ្នាក់ងារបារាំងសម្រាប់ការអភិវឌ្ឍនៅកម្ពុជា(AFD) ក្រោម​ហរិញ្ញាប្បទានឥតសំណង ដោយដាក់ចេញសាកល្បងលេីកដំបូងក្នុងខេត្តចំនួន​ ៥​ រួមមាន​៖​  ខេត្តកណ្តាល​ បាត់ដំបង​ បន្ទាយមានជ័យ​ សៀមរាប និងខេត្តកំពង់ធំ ។